Drejtoria e Përgjithshme e Erion Veliajt që kujdeset për Kopshtin Zoologjik do të blejë pajisje që ndihmojnë për të bërë të ekzaminuar kafshët. Nuk i ka ndodhur gjë as luanit as majmunit, por i dilet të keqes përpara. Janë mjete që mund t’i përdorë veterineri. Por, meqenëse qëllimi është përfitimi i fondeve përmes tenderave, shëndeti i kafshëve në këtë rast është vetëm justifikim.
Bëhet fjalë për prokurimin me objekt ‘Blerje pajisje për veterinari’.
Bazuar në të dhënat e dokumenteve, do të blihen 1 mikroskop, 1 aparat grafie dhe ekografie, 1 ndriçues për operimet dhe Veliaj ka llogaritur se këto i kushtojnë 35 milionë lekë, por duke përfshirë TVSH shkon në 43 milionë lekë.
Për të blerë këto 5 pajisje po shpenzohet një shumë e konsiderueshme lekësh, prandaj duhej bërë një prokurim sipas ligjit, në mënyrë që të merreshin oferta të përshtatshme dhe të kursehej fondi limit. Por tenderi është fiktiv. Një ra nga dy kompanitë e paraqitura nuk ka bërë ofertë, duke qenë prezente në mënyrë fiktive. “Operatori ekonomik “ALMedical” sh.p.k, nuk ka paraqitur ofertë ekonomike”, nënvizohet në dokumentet e tenderit.
Vetëm firma “TRINITY TRADE COMPANY” sh.p.k ka paraqitur ofertë me vlerën 34 milionë lekë.
Ky propozim është sa 99% e fondit limit. Nga ana tjetër nuk ka konkurrencë përballë dhe jemi në kushtet që procedura duhet të anulohet.
Epo, komisionet e Lali Erit kështu i zhvillojnë tenderat! Praktikisht, prokurimi është zhvilluar pa garë dhe më datë 31 korrik 2024 është publikuar në Agjencinë e Prokurimeve publike kontrata e firmosur me ‘TRINITY TRADE COMPANY” sh.p.k.
Ndërkohë Open Data Albania e ka vlerësuar këtë procedurë si abuzim dhe i ka vënë ‘Flamur të Kuq’. Kjo është shenja e riskut të korrupsionit.
Ky tender nuk është i vetmi që i jepet kësaj kompanie, por Drejtoria e Kopshtit Zoologjik dhe firma TRINITY TRADE COMPANY” sh.p.k duket sikur kanë lidhur kontratë të përhershme. Kështu, kompania ka përfituar pa garë edhe 40 milionë lekë të tjera nga fondi për kafshët.
Bëhet fjalë për tenderin me objekt ‘Blerje terrariume për laboratorin e reptilëve’. Situata përsëritet e në këtë kontratë, gara qëndroi e hapur për vetëm 10 ditë, ku aplikoi vetëm firma TRINITY TRADE COMPANY” sh.p.k. Me siguri, pronarët e kompanisë janë miq të mirë të Lali Erit!
Nga ana tjetër, kompania merret me gjithçka që i del përpara, por për shëndetin e kafshëve, ka disa standarde.
Jo çdo subjekt mund të tregtojë pajisje mjekësore veterinare. Konkretisht, ‘TRINITY TRADE COMPANY” sh.p.k. nuk asnjë lloj licence aktive të regjistruar.
Si ka mundësi që zyrtarët e Lali Erit ia japin fondin e pajisjeve mjekësore një firme që nuk ka asnjë lloj kualifikimi? Mund t’iu kujtojmë se Veliaj krijoi Drejtorinë e Përgjithshme të Kopshtit Zoologjik në dhjetor të viti 2023. Në vendimin e bërë publik tregohej se stafi i kësaj drejtorie të shpikur nga Veliaj marrin paga të majme. Shihni këtë tabelë më poshtë:
Pagën e Drejtorit të Përgjithshëm e ka caktuar 1.4 milion lekë. Me suguri kjo tabelë është vjetëruar me ndryshimet e pagës që bëri para një muaji qeveria. Mirë që marrin kaq shumë lekë në emër të kujdesit për kafshët, por të vendosin kriteret e duhura kur bëjnë tendera. Si përfundim, ky prokurim është bërë shpejt e shpejt për të harxhuar paratë e planifikuara duke ia xhiruar një firme të paracaktuar.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post