“Tirana Parking” ka qenë një nga institucionet e varësisë së Erion Veliajt, që e përdor për t’i kaluar tendera kompanive të paracaktuara. Skandali më i madh ishte me kompaninë “5D” e cila merrte tendera edhe nga “Tirana parking”. Për këtë është nën hetim nga SPAK ish-drejtoresha Eglantina Zëre.
Mirëpo edhe drejtoresha e re, Erinda fino, duket se ka marrë rrugën drejt SPAK-ut me tenderat me shkelje që po firmos.
Këtë herë është fjala për tenderin me objekt ‘Blerje mjete transporti (automjete elektrike dhe mjet pick-up)’ me Autoritet Prokurues Bashkinë Tiranë dhe Institucion Prokurues Tirana Parking.
Tenderi abuziv
Sipas dokumenteve të tenderit do të blihen 3 makina elektrike dhe një mjet pick-up. Në total është vënë fondi limit 12 500 000, lekë pa TVSH. Nëse përfshijmë edhe TVSH, kontrata parashikohet të arrijë në mbi 150 milionë lekë.
Gara është hapur më datë 7 gusht 2024 dhe është mbyllur më 27 gusht. Në 20 ditë kanë shfaqur interes 3 kompani. Nga të cilat “Compitel” Shpk dhe “Classic” Shpk u skualifikuan në fazën e parë, pasi komisioni i vlerësimit të ofertave shprehet se kanë mungesë dokumentacioni.
Me këto argumente që në të vërtetë mbartin shkelje ligjore, stafi i Bashkisë Tiranë i hapi rrugën vetëm firmës Tirana Auto SHPK me ofertën me vlerë 120 milionë lekë. E gjendur pa asnjë konkurrent përballë, firma në fjalë e mori si një dhuratë kontratën.
Për këtë Open Data Albania i ka vënë tenderit ‘Flamur të kuq’, që është shenja e riskut të korrupsionit.
Është e qartë se drejtoresha Fino thjesht po firmos tendera që e urdhëron Veliaj, sepse kjo kompani është kliente e kryetarit. Konkretisht, “Tirana Auto” me pronar Benon Deden i ka dhënë makina elektrike me qira Bashkisë Tiranë më 19 korrik 2024.
Kontrata që vlen 214 200 000,00 lekë, zgjat për tre vjet, pra edhe matanë mandatit të Lali Erit. Tenderi u përfitua me një proces fiktiv, ku njëra nga kompanitë pjesëmarrëse paraqiti ofertë zero lekë, ndërsa një tjetër e denoncoi tenderin në KPP, e cila e mbylli çështjen në favor të Lali Erit. Deri tani kemi kuptuar se kryebashkiakun e Tiranës nuk e ndal asgjë nga abuzimi me paratë e buxhetit, derisa t’ia heq të drejtën SPAK-u.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post