Erion Veliaj dhe vartësit e tij sapo morën sërish mandatin në Tiranë u janë futur me kokë fondeve të bashkisë. Afera të shumta me tenderë po firmosen çdo ditë dhe askush nuk pyet për nevojat e qytetarëve. Skandalin e radhës, Veliaj e ka firmosur përmes Drejtorisë së Përgjithshme të Rrugëve dhe Ndriçimit Publik Tiranë.
Konkretisht është mbyllur një tender me objekt “Shpenzime për mirëmbajtjen e objekteve specifike”, për të cilin do të shpenzohen rreth 50 milionë lekë. Titulli i tenderit nuk është shumë i qartë dhe konkret. Por stafi i Lali Erit nuk kujdeset për detyrimin e transaparencës ndaj qytetarëve që paguajnë taksat.
Duke shqyrtuar thellë në dokumentacione, vumë re që ky tender është më shumë rëndësi, prej faktit që bëhen shpenzime të pakontrolluara.
Në dokumentet standarde të tenderit thuhet se më 50 milionë lekë do të blihet bojë për stola, fasada në rrugë, si dhe grafiato. Nuk përcaktohet nëse ka një plan të qartë ku do të shpenzohen, se në cilat godina dhe sa bojë do të shpenzohet për secilën. Por, Veliaj i blen sepse bojatisja është thelbi i “qeverisjes” së kryeqytetit.
Lexo edhe: Tenderi i pastrimit me “duar të pista”, Shkëlqim Fusha dhe Sadri Abazi marrin 1.5 MLD lekë pa garë
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post