Kryetari i Bashkisë Tiranë, Erion Veliaj, aq shumë sa mburret me institucionet arsimore, po aq shumë shpërdoron fondet e tyre. Kështu, kryetari Lali Eri vazhdon të propagandojë se në institucionet parashkollore, pra në kopshte, kushtet janë të mira. Në fakt, kopshtet shihen vetëm si objekt tenderësh për dërguar fondet në “drejtimin e duhur”, tek miqtë e Lali Erit.
Dy ditë më parë Bashkia Tiranë ka mbyllur tenderin me objekt “Shërbim mirëmbajtje për sobat profesionale me gaz në objektet parashkollore”, për të cilin janë lëmë në dispozicion 153 milionë lekë. Qysh në fillim në tërhoqi vëmendjen se tenderin nuk e organizon Drejtoria e kopshteve dhe e çerdheve, por Drejtoria e Përgjithshme e Objekteve Publike. Madje Lali Eri sapo ka komanduar aty një drejtor vetëm për të firmosur tendera të tillë. Me kaq shumë lekë më mirë të bliheshin soba të reja, por Lali Eri ia ka premtuar dikujt këto lekë.
Sipas të dhënave të tenderit, do të duhen disa persona që të bëjnë pastrimin e sobave 2 herë në vit, të shohin performancën e tyre të punës, të kontrollojnë përdorimin e sobave.
Me pak fjalë, janë ca lekë qyl që i jepen kompanisë private.
Faktet vërtetojnë se përfituesi i fondit është i paracaktuar dhe tenderi është fiktiv. Kontrata jepet pa garë dhe i dhurohen privatit 153 milionë lekë të marra nga xhepat e prindërve. Si u llogarit fondi limit? Kjo nuk pas1yrohet ne dokumentet e tenderit.
Në dokumentet e prokurimit shohim se vetëm firma “CLIMACASA” SHPK në pronësi të Bashkim Deliajt ka paraqitur ofertë në 2 shkurt 2024. Çfarë emergjence kishte që nuk është anuluar tenderi dhe të priteshin më shumë oferta konkurruese. Komisioni i Veliajt duhet ta kishte anuluar procedurën, të bënte një rishikim të dokumenteve dhe nëse ishte e domosdoshme më vonë të bënte një rihapje të garës.
Por, Lali Eri asnjëherë nuk ndjek rrugën që i cakton ligji.
Prandaj, shohim që pas 20 ditësh është mbyllur procedura dhe menjëherë është publikuar si fituese firma “CLIMACASA” SHPK.
Open Data Albania ka ngritur alarmin dhe i ka vendosur ‘Flamurin e Kuq’. Kjo është shenja e riskut të korrupsionit. Nuk është asgjë para aferave të tjera si ajo e inceneratorit që po merret SPAK, por e raportojmë këtë rast për të treguar se korrupsioni i bën zyrtarët të pandjeshëm sa nuk pyesin as për fondet e destinuara për kopshtet e fëmijëve.
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post