Kryetari i Bashkisë Tiranë, Erion Veliaj, abuzon edhe me paratë e grupeve vulnerable, duke përvetësuar nga fondet për ushqimin tyre. Këtë e bënë në bashkëpunim me biznesmenë me të kaluar të dyshimtë. Më parë kemi denoncuar rastet me fondet për nënat e reja, për të pastrehët, për familjet rome, por ky fond është për personat me aftësi ndryshe.
Më datë 23 nëntor 2023, Lali Eri ka hapur garën për tenderin me objekt “Furnizim dhe shërbime me ushqim për mensa” për Qendrën Komunitare për Personat me Aftësi të Kufizuar Tiranë.
Tenderi ka risk korrupsioni dhe është shënuar me “Flamur të kuq”. Çka do të thotë se ka abuzim dhe vjedhje. Deri më datën 4 dhjetor 2023 janë paraqitur 3 oferta të ndryshme për këtë projekt, por më 26 dhjetor 2023 kur u zhvillua tenderi, në dorën e Lali Erit mbeti vetëm zarfi e firmës “Nelsa shpk”.
Pra, në fazën e parë Veliaj ka urdhëruar të skualifikohen në mënyrë jo ligjore 2 firmat e tjera.
Kështu, është e qartë që Nelsa shpk e ka përfituar këtë tender në mungesë të konkurrencës, duke treguar hapur se kemi të bëjmë me abuzim dhe prapaskena për vjedhjen e këtij fondi. Ndërsa tek mensat e institucionin në fjalë dërgojnë veç ato që mbeten.
Në dokument përshkruhet se do të blihen disa perime, mish pule, oriz, makarona, miell, vaj, sheqer, djathë, ëmbëlsira dhe fruta. Theksohet se kryesisht në vakte përfshihen 100 persona. Dhe për t’i siguruar këto ushqime bazë Veliaj ka vënë në lojë 83 milionë lekë që me siguri rrugës përfundojnë në xhepa të tjerë.
Me kë i bën këto punë Lali Eri? Dihet që Nelsa shpk në drejtimin e Elsa Kamberit përfshihet vazhdimisht në skandale dhe mashtrime në tenderët e ushqimeve, megjithatë akoma vazhdon të përlajë fondet. Kamberi rezulton të ketë lidhje me themeluesin dhe pronarin e parë të kësaj kompanie, Nexhmi Balla.
Pra, ajo është vetëm mbulesa në këtë kompani sepse urdhrat vazhdon t’i japë Nexhmi Balla.
Ndryshimi formal ka ndodhur sepse Nexhmi Balla bashkë me disa të tjerë është dënuar nga gjykata për korrupsion në lidhje me ushqimet e të burgosurve. Dënimi ka ndodhur në korrik të vitit 2018, ku Gjykata e Krimeve të Rënda e dënoi Ballën me 3 vjet burg për korrupsion bashkë me disa persona të tjerë, përfshirë ish-drejtorin dhe ish-nëndrejtorin e burgjeve.
Pikërisht për këtë arsye, Balla nuk mund të merrte më tenderë dhe ia kalon kompaninë në pronësi të besuarës së tij Elsa Kamberi e cila aktualisht rezulton pronarja me letra e firmës. Dhe nga ana tjetër Veliaj i ka përzemër personat me të kaluar të tillë, i shkon pazari mirë. Ndërsa SPAK nuk di për çfarë ta hetojë më parë kryebashkiakun!
Lexo edhe:Denoncimi në KPP/ Ulsi Manja firmos 613 mln lekë për reçel dhe erëza për Burgjet
©️Copyright Gijotina.com
Ky artikull është ekskluziv i Gijotina.com, gëzon të drejtën e autorësisë sipas Ligjit Nr. 35/2016, “Për të drejtat e autorit dhe të drejtat e lidhura me to”. Shkrimi mund të ripublikohet nga mediat e tjera vetëm duke cituar Gijotina.com dhe në fund të vendoset linku i burimit, në të kundërt çdo shkelës do të mbajë përgjegjësi sipas Nenit 178 të Ligjit Nr/ 35/2016.
Discussion about this post