Me dhimbje e lotë, një përfaqësues i familjes Hoxha ka shprehur nderimet në ceremoninë e përcjelljes për në banesën e fundit të nënkomisarit Saimir Hoxha. Gjatë fjalës së tij ai përmendi disa nga virtytet e familjes ku ai u rrit dhe hapave që ndoqi në jetë. Ai tha se dora e zezë e vrau por, nuk mund të shuajë dot shembullin për të cilin ai kontribuoi në kaq shumë vite.
“Saimir Hoxha ka pasur një babë fisnik në fushën e topografisë, një nënë të shquar në fushën e arsimit dhe dy motra të shquara brenda dhe jashtë vendit në fushën e jurisprudencës. Kudo u dallua për thjeshtësi, edukatë dhe profesionalizëm të plotë, Krijoi një familje me një vajzë nga Tropoja, me të cilën lindën dy djem.
Kur erdhi në jetë para 45 vitesh i vunë jetën Saimir. Dora e zezë na e ndau nga jeta Saimirin por jo shembullin për të cilin kontribuoi. Në emër të familjes Hoxha falenderoj organet e shtetit për shpalljen “Dëshmor i Atdheut”, deklaroi ai.
Ndërsa drejtori i Policisë së Shtetit Ardi Veliu u shpreh se sot Saimiri dhe Policia janë vrarë dy herë nga krimi dhe drejtësia e vjetër ëq liron të dënuarit.
“Saimiri dhe Policia sot janë vrarë dy herë nga krimi dhe drejtësia e vjetër që shpesh herë vendimet e saj i kanë paguar me jetë punonjësit e policisë së shtetit. Punonjësit e Policisë përballen çdo ditë me krimin, dalin në mëngjes nga shtëpia duke u përshëndetur me familjarët sikur të ishte hera e fundit”, u shpreh Veliu.
Nënkomisari Saimir Rama u vra në krye të detyrës në momentin që ka shkuar për të asgjësuar bimë narkotike në një zonë ku kishin marrë informacion, gjatë operacionit ato janë ndeshur me një makinë ku ndodheshin tre të rinj, mes tyre edhe Aldi Rama i cili ka qëlluar për vdekje drejt Saimir Hoxhës.
Ndërkaq për arrestimin e tij Rama ka qëlluar veten me pistoletë, dhe nga plagët nuk ka arritur që të mbijetojë.
