Reshjet e dendura të shiut që kanë përfshirë vendin prej dy ditësh kanë shkaktuar përmbytje në qytete të ndryshme të Shqipërisë. Problematike mbetet situata dhe në Tiranë, ku lumi Lana doli nga shtrati dhe përmbyti zonën e “Pallatit me Shigjeta”.
Menjëherë pas normalizimit të situatës, kreu i Bashkisë Tiranë, Erion Veliaj ka ndarë fotot me punonjësit e pastrimit pas përmbytjeve nga reshjet e shiut në lagje të ndryshme të kryeqytetit.
Mosvazhdimi i reshjeve të shiut fatmirësisht krijoi mundësinë që situata në Tiranë të normalizohej dhe që qarkullimi i mjeteve dhe këmbësorëve të vijojë normalisht pa probleme.
Gijotina.com raportoi më herët për përmbytje në zona të ndryshme të Tiranës dhe shkëputjen e energjisë elektrike si pasojë e daljes së lumit Lana nga shtrati.
Discussion about this post