Kryeministri Edi Rama dhe ministrja e Bujqësisë, Frida Krifca ndodhen në Durrës, nga ku kanë prezantuar buxhetin e vitit 2022 për peshkatarët.
Gjatë fjalës së tij, Rama kritikoi zv.ministrin e Bujqësisë Roland Kriston duke i thënë vazhdimisht se duhet të zgjohet nga gjumi, dhe të justifikojë postin që ka.
“Ministrja dhe Landi, land duhet të çohesh nga gjumi. Do të çoj me Molin, të të mbajnë atje me kapitenerinë lart. Të ka zënë gjumi, të du shumë, je çun i zoti por të ka zënë gjumi. Jo të vejnë anije peng aty e nuk dihet se kur e shlyejnë kredinë. Banka të garantohet nga shteti. Kjo është detyra jote, duhet ta tregosh se e meriton të jesh aty si zv.ministër, të sjellësh faktet se sa prej tyre do të marrin nga garancia sovrane. Është detyra jote. Menaxhimin do e bëni ju vetë peshkatarët, s’ka si e bën shteti. Merrni ekspertët e huaj ku të jenë më të mirët, caktoni një drejtor. S’kemi pse e zgjasim. Vitin e ardhshëm dua të vish këtu me mua të hapim themelet e merkatos. Në rregull një vit kohë ke. U bë sikur shesim bomba. Edhe për shkollën je ti përgjegjës. Une t’i them publikisht që të të rrinë te qafa të gjithë pastaj, të të duket vetja sikur je në rrjetë”, tha Rama.
Kreu i qeverisë bëri një bilanc të situatës ndër vite me peshkimin, ndërsa tha se paga më e ulët në këtë sektor është 800 mijë lekë, madje sipas tij, vijnë edhe të huaj nga Turqia apo Egjipti të punojnë në vendin tonë.
Discussion about this post