Këngëtari i dashur Roland Hysi, pjesëtari i grupit West Side Family është bërë sot baba i një djali me emrin Lukas.
Lajmin e bukur e ka dhënë vet këngëtari me anë të një postimi në rrjetet sociale. Ai ka ndarë një foto teksa mban në krahë djalin e sapoardhur në jetë.
“Për momentin nuk ndodhem në shtëpi. LavdiZotit,” duke cituar një nga vargjet e këngës hit të tyre ‘Mesazhi’. Landi është treguar i kujdesshëm të mbulojë portretin e vogëlushit me anë të një emoji.
Ajo që është mbajtur gjithmonë larg fokusit të kamerave është partnerja e tij, Eva Ago e cila ka një profil të ulët publik dhe dihet se punon në ‘Ministirinë e Mirëqënies Sociale’. Ajo ka postuar lajmin e bukur që është bërë nënë në profilin e saj në Facebook krahas disa fotove të të treve.
“Sot mëngjesi erdhi bashkë me ty Lukas, biri vogël siç solle dritën këtë mëngjes urojmë për ty jetë të gjatë dhe Zoti të dhuroftë gjithë lumturinë e botës që ne të gëzojmë për ty sa të kemi frymë. Landi Hysi & Lukas Hysi ju kam gjithçka,” ka shkruar Eva.
