Mungesa e një plani konkret për zgjerimin e landfillit, shqetëson banorët e Sharrës dhe frika më e madhe e tyre është se mos nga zgjerimi i tij do preken shtëpitë e tyre. Ata kërkojnë projektin dhe kompesimin e tokave që u është zënë nga landfilli.
Banorët e Sharrës vijojnë të kundërshtojnë zgjerimin e landfillit, pasi ata janë të shqetësuar dhe kanë frikë se nga zgjerimi mund të preken shtëpitë e tyre. Banorët kërkojnë nga Bashkia planin e zgjerimit.
“Dua nga Bashkia që të më garantojë për shtëpinë, nuk bëj dot një investim. Kam tre çuna. Tokat u morën, e di që nuk kthehen më” – u shpreh një nga banorët.
Sipas tyre me zgjerimin e landfillit jetesa aty iu duket e pamundur.
“Si në ishull kemi mbetur, pa tokë, pa gjë. 100 dynym tokë nuk janë shpërblyer, as pemë. Nuk kam marrë asgjë këtu” – u shpreh banor tjetër.
Që me krijimin e landfillit banorëve të Sharrës u janë marrë tokat nga ku një pjesë e madhe nuk kanë marrë as kompensim. Gjithashtu kanë humbur puset e ujit dhe sipas tyre me zgjerimin e landfillit mund të rrezikojnë varrezat 500 vjeçare dhe xhamia e fshatit.
Discussion about this post