“Lanë namin topa-topa…”, Manjani ironizon zgjedhjet në PD

Ish-ministri i Drejtësisë, Ylli Manjani ka ironizuar zgjedhjet për kreun e PD-së. Në një postim në “Facebook”, Manjani shkruan se nuk ka asnjë shenjë për ndërhyrje nga ndërkombëtarët.
“Sot, meqë do bëhej nami se aleatët do ndërhynin të ndalonin zgjedhjen e Berishës, i hodha një sy detit.
Asnjë shenjë anijesh,luftanijesh, amfibësh apo helikopterësh. Deti dhe qielli janë të pastër.
Kështu që demokratët të votojnë të qetë…
Qesharakët mediatikë të ndërrojnë temë se e lanë namin topa-topa, thonë vlonjatët.”-shkruan Manjani.