Drejtoria Rajonale e AMP Elbasan-Korçë ka pushuar nga puna dy punonjës policie me arsyetimin e shpërdorimit të detyrës. Policët që janë larguar nga puna janë Kryekomisari me inicialet B. L., 62 vjeç, me detyrë Shef i Komisariatit të Policisë Korçë dhe Komisari me inicialet Q. H., 45 vjeç, me detyre Shef i Seksionit për Krimet në Komisariatin e Policisë Korçë.
Dy punonjësit e policisë ishin proceduar penalisht pasi nuk kanë vepruar dhe në kundërshtim me ligjin kanë shpërdorur detyrën duke mos arrestuar dhe proceduar penalisht personin me inicialet S. G i cili ka qenë me arrest shtëpie, dhënë nga Gjykata e Tiranës si i dyshuar për kalim të paligjshëm të kufijve.
Ndërkohë hetimet në lidhje me rastin në fjalë do të vazhdojnë.
Discussion about this post