Kreu i “Shqipëria Bëhet”, Adriatik Lapaj ka reaguar nga Haga në ditën kur pritet të shpallet vendimi për ish-krerët e UÇK-së, duke e cilësuar këtë si një ditë historike për çlirimtarët dhe shqiptarët.
Ai kujtoi viktimat shqiptare të luftës së Kosovës dhe theksoi se rezistenca e UÇK-së i dha fund periudhës së dhunës dhe shtypjes.
Lapaj uroi që 4 ish krerët e UÇK-së, të shpallen të pafajshëm dhe të kthehen në shtëpi faqebardhe.
“Sot është një ditë historike për çlirimtarët, për popullin tonë, për luftën e shenjtë të UÇK që i doli zot popullit tonë, një popull që nga pushtuesi serb u masakruar. Mbi 11 mijë shqiptarë të vrarë, mbi 20 mijë, nëna, motra dhe vajza të përdhunuara, një histori e trishtë që u shkatërrua dhe iu dha fund falë rezistencës së çlirimtarëve. Uroj që sot të kthehen në shtëpi faqebardhe dhe të kthehet në një festë në Prishtinë dhe në të gjitha trevat shqiptare”, tha Lapaj në një videomesazh.
Discussion about this post