Një tjetër parti do i shtohet listës që subjekteve politike që veprojnë në Shqipëri, edhe pse shumica prej tyre sot kanë mbetur vetëm me kryetarin.
Gjithsesi koha dhe nevoja për një politikë me figura të reja duket se po shtyn shumë nga aktivistët e shoqërisë civile që të krijojnë lëvizje apo parti, fillimisht si qytetare dhe me kalimin e kohës, mund ti bashkohen në aleanca atyre ekzistuese.
“Shqipëria Bëhet” është lëvizja qytetare më e re në Shqipëri, me në krye Adriatik Lapaj.
Prezantimi zyrtar do të bëhet në 18 shtator, ku pritet që Lapaj të bëjë të njohur ekipin, programin, kauzat dhe hapat e mëtejshëm.
Në një intervistë për A2 CNN, Lapaj bëri me dije se kjo nismë do jetë krejtësisht ndryshe nga partitë politike, teksa zbuloi dhe disa nga pikat kryesore të programit ku do të mbështetet.
“Ne na duhet që të hapim garën, që të mos jetë një muaj para zgjedhjeve se kush do jetë deputet, duhet një ligj për referendumet, një ligj që të depolizitojë administratën dhe kjo u duhet të gjithëve, në këtë kuptim, po thuhet për herë të parë”, tha Lapaj.
Gjithashtu, ai shtoi se baza e kësaj lëvizjeje do jetë vetëorganizimi, pra jo nga qendra dhe se do të financohet nga populli, me një financim minimalist.
Discussion about this post