Avokati Adriatik Lapaj ka reaguar në rrjetet sociale për tragjedinë e djeshme ku humbën jetën 46 shqiptarë duke thënë se nuk po tregohet dhembshuria e duhur nga shteti, ku minimalisht duhej shpallur zi kombëtare.
Lapaj shkruan po ashtu se njerëzit nuk janë solidarizuar për ngjarjen ashtu siç iu dha rëndësi Katedrales së Parisit, e duke shtuar më tej se shqiptarët e Maqedonisë së veriut gjithmonë kanë kontribuar për vëllezërit e tyre, sidomos gjatë periudhes së tërmetit.
“E dini kush solli më shumë ndihma në ushqime dhe veshmbathje kur ra tërmeti?
Flas për aty ku unë u angazhova…sollën Shqiptarët e Iliridës, ose thënë në terma zyrtarë shqiptarët e Republikës së Maqedonisë së Veriut. Kamionët e solidaritetit nuk kishin fund nga Shkupi, Tetova, Gostivari, Kumanova, Dibra e Madhe, Kërçova, Struga…vinin me lot në sy e sillnin solidaritet, vëllazëri, BESË. E kuptoj rëndësinë e Katedrales “Notre Dame de Paris”, edhe solidaritetin tonë me atë ngjarje. Aq shumë solidaritet sa qeveria lëvroi 100 000 euro. Ajo që nuk kuptoj është se si ne nuk po tregojmë aspak dhëmbshuri për 46 bashkëkombas që humbën tragjikisht jetën e për të cilët Bullgaria, Maqedonia e Veriut dhe Kosova kanë shpallur ditë zie kombëtare! Mungon veç shteti Amë”- shkruan Lapaj në rrjetin social Facebook.
Discussion about this post