Donald Veshaj po e shfrytëzon në maksimum famën dhe vëmendjen e madhe që mori nga show televiziv më i ndjekur “Big Brother VIP”. Donaldi, i cili ka qenë padyshim një ndër konkurrentët më të komentuar për shkak të ngjarjeve brenda shtëpisë së famshme, është angazhuar me koncerte bashkë me vëllanë e tij Romeon dhe Elgit Dodën.
Pak javë më parë, Donaldi publikoi “Nuk je”, një këngë që përflitet se i është dedikuar ish të dashurës së tij, Bora Zemani. Por duket se aktori i humorit e ka marrë seriozisht angazhimin në muzikë. Ka qenë Elgit Doda që mbrëm ka ndarë një postim në rrjetin e tij social Instagram nga studioja muzikore, duke paralajmëruar kështu një projekt të ri muzikor.
Ai ka etiketuar vëllezërit Veshaj, duke nënkuptuar kështu se bëhet fjalë për një duet me ta. Ende nuk dihen detaje për projektin por fansat e tyre me siguri mezi po e presin.
Discussion about this post