Aleksander Ceferin ka njoftuar se nuk do të kandidojë për një mandat të mëtejshëm si president i UEFA-s në vitin 2027.
Sipas mediave të huaja, ndryshimet në statutin e UEFA-s të cilat u miratuan në Kongresin e së enjtes në Paris bënë të mundur një afat të mëtejshëm që do të zgjatej deri në vitin 2031, por Ceferin tani e ka përjashtuar këtë mundësi për veten.
“Gjashtë muaj më parë vendosa që nuk do të kandidoj më. Arsyeja është se pas një kohe çdo organizatë ka nevojë për rifreskim, por kryesisht sepse unë jam larg familjes për shtatë vjet tani”, tha slloveni në një konferencë për shtyp pas Kongresit.
“Qëllimisht nuk doja t’i zbuloja mendimet e mia më parë, sepse së pari doja të shihja fytyrën e vërtetë të disa njerëzve dhe e pashë.
Unë kam një jetë të bukur në Futboll, kam një jetë të bukur edhe jashtë futbollit.”
Shoqata e Futbollit të Anglisë kishte qenë e vetmja federatë që votoi kundër ndryshimit të statutit gjatë Kongresit, me shefin e saj ekzekutiv Mark Bullingham që mbante një karton të kuq në kundërshtim me të
Discussion about this post