Asensio ishte një nga lojtarët që i mbaronte kontrata dhe megjithëse kishte në tavolinë një ofertë rinovimi, ai ka vendosur ta refuzojë.
Është çështje ditësh, ndoshta orësh që të bëhet zyrtare. Marco Asensio nuk do të jetë më lojtar i Real Madridit dhe do të fillojë një fazë të re në karrierën e tij nga 30 qershori.
Verën e kaluar ai kishte një këmbë e gjysmë jashtë, megjithatë, pasi nuk erdhi asnjë ofertë bindëse, spanjolli qëndroi dhe Ancelotti arriti të nxirrte më të mirën e tij sa herë e aktivizonte nga pankina.
Golat e tij dhe përmirësimi i performancës së tij, veçanërisht pas Kupës së Botës, bënë që Real Madridi të vendosë në tryezë një ofertë rinovimi, megjithëse pa marrë parasysh kërkesat e tij për rritje rroge.
Pasiguria e mbetur në muajt e fundit, me gjithë sezonin tashmë të vendosur, duket se bëri që Asensio të marrë vendimin për të ndryshuar ambient.
Edhe pse vullneti i tij ishte të vazhdonte, ai donte të kishte më shumë minuta. Ai ka parë sesi lojtarë si Rodrygo apo Fede Valverde ishin përpara tij dhe pasi nuk mundi të rifitojë pozicionin e titullarit, do të kërkojë sfida të reja. Kjo ka qenë ajo që e ka kushtëzuar, mungesa e vazhdimësisë.
Në fakt, ai do të ishte shumë pranë nënshkrimit me një skuadër të re, pasi pas sezonit të tij të mirë, nuk i mungojnë kandidatët e etur për të marrë shërbimet e tij, edhe kjo me kosto zero.
Edhe pse ka pritur që të marrë vendimin për të mos rinovuar i pari, pasi siç e thamë ka qenë gjithmonë prioriteti i tij. Tani duhet të arrihet një marrëveshje me disa nga ofertat që do të ketë.
Discussion about this post