Nënkryetari i grupit parlamentar të PD-së Ervin Salianji ka komentuar vendimin e kryedemokratit Lulzim Basha për përjashtimin Sali Berishës. Gjatë një interviste televizive ai tha se, nuk mendon që Basha mori atë veprime i ndikuar nga emocionet apo mllefi. Sipas tij, është absurde të mendosh që Basha mori një vendim aq të rëndësishëm për inate personale. Salianj thotë se, vendimi është marrë në bazë të marrëdhënieve që PD ka me SHBA dhe kjo është në interes të PD.
“Unë mendoj që duhej përballur si argument dhe duhet që të gjitha arsyet e atij vendimi të detyruar duhet shpjeguar. Nuk është vendimarrje emocionale, personale apo e marrë me mllef, por është vendimarrje në interes të Partisë Demokratike. Është shfrenim fantazie të mendosh që Basha ka pasur arsye personale. Interesi i PD-së dhe marrëdhëniet e pacenuara me SHBA-të janë të çështjet kryesore. Nëse PD-së i heq marrëdhëniet me SHBA-të gjeje se çfarë ndodh”, tha ai.
Ndër të tjera, Salianji tha se është gabim që disa përfitojnë nga kjo situatë dhe i kundërvihen Bashës. Sipas tij, Basha mund të ketë bërë gabime dhe ka persona që nuk e duan ama deri më sot ka vepruar në favor të PD dhe këtë do e vërtetojë koha.
“Të gjithë ata që tentojnë të përfundojnë nga kjo situatë duke krijuar tensione siç kanë krijuar parti në zgjedhje dhe tani dalin dhe bëjnë sikur këtyre iu dhimbset partia. Pavarësisht strategjisë së Bashës si kryetar ka ardhur momenti që disa të vërteta duhen thënë. Lulzim Basha , pavarësisht pëlqyeshmërisë, kundërshtive, referendumit të bërë është kryetar i PD-së për 4 vite dhe e gjithë vendimarrja e tij do të gjykohet me kohën”, tha Salianji.
Salianji thotë se, në këtë situatë është mirë që demokratët të qëndrojnë të bashkuar dhe jo të veçohen për interesa personale, sepse kështu i hapi terren qeverisë Rama.
