Trajneri i PSG-së, Mauricio Pochettino shpreson që Mauro Icardi të mos largohet në janar dhe këmbëngul se ai i beson te Gigio Donnarumma dhe Keylor Navas.
“Ne luajtëm shtatë ndeshje këtë muaj, Keylor Navas u përjashtua kundër Nantes dhe u pezullua kundër Saint-Etienne. Ata kanë luajtur pesë dhe katër ndeshje, kështu që ne u besojmë të dyve”, tha Pochettino në një konferencë për shtyp pas ndeshjes për dy portierët.
Italiani u emërua portieri më i mirë në vitin 2021 gjatë ceremonisë së Topit të Artë dy javë më parë, por ende nuk është një titullar i rregullt në Paris. E njëjta gjë vlen edhe për ish-kapitenin e Interit, Mauro Icardi.
Sulmuesi argjentinas ka shënuar tre gola në 18 paraqitje në të gjitha garat këtë sezon dhe Juventusi është i interesuar të sigurojë shërbimet e tij në afatin kalimtar të janarit.
Ka raporte që e lidhin Icardin me një kalim huazimi në Torino, por Pochettino shpreson që argjentinasi të mbetet në Paris.
“Nuk është momenti i duhur për të folur për transferime, ne duhet të fokusohemi që ta mbyllim vitin në mënyrën më të mirë. Megjithatë, ne jemi të lumtur me të dhe shpresojmë se ai mund të qëndrojë me ne.” tha ish-trajneri i Tottenham./K.T/Gijotina.com
Discussion about this post