Ministrja e Shëndetësisë na ka habitur sot me deklaratën e saj nga Kuvendi. Ndërsa po diskutohej për largimin në masa të infermierëve nga vendi, si një fenomen mjaft shqetësues, ministrja tha se është gjë normale. Madje ajo tha më tutje se qeveria ka gjetur zgjidhjen, do të shtojë kuotat universitare për këtë degë.
“Është një fenomen normal, për të cilin e kemi gjetur zgjidhjen: Do të shtojmë kuotat në universitet”, tha ministrja.
Në fakt të gjithë e dimë që nuk është ky problemi, pasi në çdo vit infermieria dhe degët e tjera të mjekësisë regjistrojnë numrin më të lartë të studentëve dhe pikërisht kjo degë përdoret si trampolinë për t’u larguar nga vendi. Gjatë pandemisë nevoja për mjekë ishte më e lartë se kurrë dhe ministria asaj kohe iu kërkoi atyre që të ofrojnë shërbime edhe në mënyrë vullnetare, ndërsa tashmë që virusi po zhduket largimi i tyre ministres i duket normale.
Discussion about this post