Trajneri i Paris Saint-Germain, Masuricio Pochettino ka dhënë për herë të parë një intervistë për sa i përket çështjes së Kylian Mbappe.
Duke folur për ‘Radio Marca’ ai ka theksuar se deklaratat e bëra nga drejtori sportiv Leonardo dhe presidenti Nasser Al-Khelaifi, se sulmuesi do të qëndrojë në PSG dhe se negociatat për zgjatjen e kontratës janë në vazhdim, janë mëse të vërteta.
“Mbappe është mirë, ai është një djalë i qetë me shumë personalitet dhe një karakter shumë të shoqërueshëm, ai është i qartë për gjërat dhe e do futbollin, ai është shumë i pjekur për 22 vjeç”,- u shpreh fillimisht tekniku.
Më tej ai shtoi se ylli i Kombëtares franceze duhet të marrë vendimin që duhet, duke lënë të kuptohet se Mbappe sipas tij do bënte mirë të zgjidhte rinovimin e kontratës.
“Kylian do të marrë vendimin që duhet të marrë dhe klubi do të bëjë gjithçka të mundshme për ta mbajtur atë, sepse ne po marrim një nga lojtarët më të mirë në botë në moshën 22-vjeçare. Unë jam lënë me faktin se situata është e hapur dhe në të ardhmen gjithçka mund të ndodhë, pozicioni i disa muajve më parë mund të ndryshojë në të ardhmen. PSG si klub sigurisht që ka ambicie dhe aftësi për ta bindur dhe ofruar atij gjërat në mënyrë që ai të qëndrojë dhe të jetë i lumtur, mundësitë që ai mund të ndryshojë mendje janë aty”,-tha trajneri argjentinas.
Teksa vazhdimësia e lojtarit te klubi parisien u konfirmua së fundmi edhe nga mamaja e tij, e cila tha se Mbappe do të qëndrojë në Francë./K.T/Gijotina.com
