Kreu i qeverisë thotë se është i lodhur nga puna si kryeministër, por edhe pse ndodhet prej 12 vitesh në pushtet e ka të pamundur që të largohet, pasi nuk mund t’i lërë hallet e popullit pa zgjidhur.
Kryeministri Edi Rama është shprehur se e mendon heqjen dorë nga puna e tij, teksa theksoi se “do të ishte shumë i lumtur”.
Por, kreu i qeverisë, në podkastin e tij “Flasim”, shtoi se “problemi është që pastaj thua si do vazhdojë puna, këtu, puna atje”.
“Sa herë mendoj unë “Ta lë këtë punë do të jem shumë i lumtur”, problemi është që pastaj thua si do vazhdojë puna, këtu, puna atje.
Pjesën e artit e kam shumë më të relaksuar, e kam të thjeshtë, ose gjatë bisedës, ose kur ka një të shtunë, ose të dielë që është më e lehtë shkoj dhe futem në shpellën e Dules edhe aty kam bekimin që duke i pasur duart gjithë baltë dhe ngjyra nuk prek telefonin. Jam i shkëputur, bëj një detoks”, u shpreh ai.
Discussion about this post