Erdhi dita kur Kylian Mbappe foli për herë të parë për atë që ndodhi këtë verë, me largimin e tij të supozuar nga PSG te Real Madrid. Francezi tashmë ka dashur të japë versionin e tij, në të cilin ai thoshte që donte që ai dhe klubi të përfitonin dhe të kishin kohë për të gjetur një zëvendësues cilësor për të.
“Unë kërkova të largohesha, dhe që nga ai moment nuk doja të rinovoja, doja që klubi të kërkonte një transferim për mua në mënyrë që ata të mund të kishin para për të kërkuar një zëvendësues cilësor,”- shpjegon Mbappe në një intervistë të gjatë në RMC Sport që do të publikohet plotësisht këtë të martë.
Më tej francezi ka shtuar se ai i kishte thënë parisienëve që nëse ata nuk do të donin largimin e tij ai do të qëndronte.
“Unë kam qenë gjithmonë i lumtur në këtë klub për katër vitet që kam kaluar këtu dhe ende jam. E njoftova mjaft herët që klubi të reagonte. Doja që ne të dy të përfitonim dhe të përfundonim dorë për dore për të bërë një marrëveshje të mirë. I respektova dhe u thash atyre: ‘Nëse nuk doni që unë të shkoj, unë do të qëndroj,” tha ai.
Ylli i PSG-së ka shtuar ndër të tjera që ai vërtetë do të largohet, por lajmet ishin të nxituara, pasi ajo gjë ka për të ndodhur vetëm verën e ardhshme.
“Nuk më takon mua të gjykoj, pozicioni im ishte i qartë. Unë thashë se doja të largohesha dhe e thashë mjaft herët,” përfundon ai./K.T/Gijotina.com
