Lojtari me origjinë shqiptare i Hannover 96, Valmir Sylejmani mund të largohet që në merkaton e janarit nga skuadra e tij. Sulmuesi nuk ka pasur hapësira të mjaftueshme dhe largimi nga ky klub duket i pashmangshëm në janar.
Sylejmani është lojtar me emër të madh në futbollin gjerman dhe ofertat për të nuk mungojnë, ndaj media atje kanë raportuar se për transferimin e sulmuesit gjilanas janë në garë tre skuadra, një nga Bundesliga 2 dhe dy të tjera nga Bundesliga 3.
SV Sandhausen kërkon ta afrojë sulmuesin qendror në Bundesliga 2, megjithatë favorit për të nënshkruar me gjilanasin është ish-skuadra e tij Ëaldhof Manheim që ndodhet në Bundesliga 3.
Ish-skuadra e tij kërkon të ngrihet në Bundesliga 2 dhe Sylejmani ka bërë mjaftë mirë me këtë skuadër ku duan rikthimin e tij, pasi gjilanasi shihet si hero nga tifozët e këtij klubi.
Ndërsa skuadra e fundit që ka shprehur interesim për të është Viktoria Berlin që gjithashtu konkurron Bundesliga 3.
Këtë kampionat Sylejmani ka zhvilluar gjashtë ndeshje për Hannoverin, por pa arritur të gjej golin./K.T/Gijotina.com
Discussion about this post