Pasi e përjashtoi nga grupi parlamentar i PD, Lulzim Basha duket se nuk është mjaftuar me kaq, pasi karrigen e ish-kryeministrit Sali Berisha në Parlament, ia la të besuarit të tij.
Radha 3, karrigia 4, nuk do të jetë më vendi ku ulet ish-kryeministri Sali Berisha, pasi nga sot e tutje, aty do të ulet kryetari i grupit parlamentar të Partisë Demokratike, Alfred Rrushaj.
Duket se Basha, ka “lënë në baltë” Gazment Bardhin, zyrtarin e tij më besnik brenda PD, duke e zëvendësuar me Rushajn.
Ndërkohë që, ish-kryeministri Berisha është spostuar në rreshtin e parafundit të sallës së Parlamentit, ku nga Monika Kryemadhi e ndan vetëm deputeti i Gjirokastrës, Tritan Shehu.
Kjo, si pasojë e veprimit të djeshëm të Lulzim Bashës, i cili njoftoi përjashtimin nga grupi parlamentar të ish-kryeministrit dhe liderit historik të PD, Sali Berisha. Vendimi sipas Bashës është personal dhe nuk e hodhi në votim, pasi nuk donte përçarje në parti.
Berisha pas këtij veprimi ka deklaruar se nuk do të krijoj një grup të ri, por do të vazhdoj betejën për të rikthyer sovranitetin e PD. Ditën e sotme ai u paraqit në Kuvend, ku në një prenoncim për gazetarët u shpreh se largimin i tij është pjesë e paktit Rama-Basha, dhe se do bëjë çdo gjë që t’i rikthejë PD lavdinë e dikurshme.
