Duket se Inter dhe Lautaro Martinez kanë rënë dakord për një marrëveshje të re midis tyre.
Sipas ‘Sky Sport Italia’ palët do të firmosin një kontratë të re pesëvjeçare me 6 milionë euro në sezon. Takimi midis tyre ishte planifikuar prej disa javësh dhe më në fund sot u bë fakt, megjithëse për të shmangur kureshtarët, drejtorët nuk u takuan me agjentin Alejandro Camano në selinë e klubit.
Megjithatë media italiane raporton se takimi shkoi shumë mirë dhe të dy palët janë afër një marrëveshjeje.
Kontrata aktuale e Lautaros zgjat deri në qershor 2023, nga e cila lojtari merr vetëm 2.5 milionë euro në sezon, e njëjta pagë që ai kishte kur nënshkroi nga Racing Club Avellaneda në 2018-ën.
Që nga ai moment Lautaro ka fituar titullin e Serie A në Inter dhe Kupën e Amerikës me Argjentinën, duke sjellë në drejtim të ‘Zikaltërve’ oferta të mëdha prej 90 milionë eurosh nga Tottenham Hotspur dhe Atletico Madrid.
Sidoqoftë, me Romelu Lukaku të shitur te Chelsea, Interi nuk mund të largonte edhe Lautaro Martinez.
Agjenti i lojtarit kishte kërkuar 7 milionë euro për kontratën e re, por Inter i ofroi vetëm 6 milionë dhe u ra dakord për këtë shifër, kështu që mund të ketë disa shpërblime të lidhura me performancën./Gijotina.com
