Interi siguron matematikisht kualifikimin! Zikaltrit e Inzagit triumfuan mbrëmjen e sotme në Austri ndaj Salcburgu, me rezultatin 0-1, duke u ngjitur në kuotën e 10 pikë, po aq sa Real Sociedad, që së bashku me zikaltrit kanë siguruar matematikisht kualifikimin.
Goli i Lautaro Martinez me 11-metërsh në minutën e 86-të i siguroi 3 pikët e arta Interit, teksa në fushë ishte dhe Kristjan Asllani, që u aktivizua në minutën e 61-të, ndërkohë që në të 77-tën, mesfushori shqiptar “flirtoi” me eurogolin. Tentativa e tij nga jashtë zonës, u ndal në vështirësi nga portieri kundërshtar.
Discussion about this post