Merkato e Interit është e mbushur me pasiguri dhe mister. Situata financiare e kampionëve të Italisë nuk është më e mira dhe drejtuesit janë të detyruar të shesin ndonjë nga yjet e skuadrës.
Achraf Hakimi është me valixhe gati. PSG e kërkon prej kohësh, por në garë për 22-vjeçarin e krahut të djathtë është futur edhe Chelsea.
Marokeni nuk pritet të jetë i vetmi titullar që do të largohet. Sportmediaset raporton se Interi po shqyrton edhe shitjen e Lautaro Martinez. Sulmuesi argjentinas është pranë kalimit tek Atletico Madrid.
Diego Simeone e do me çdo kusht në skuadër dhe drejtuesit e kampionëve të Spanjës kanë gati 80 milion euro për kartonin e sulmuesit 23-vjeçar.
Presidenca zikaltër ka vendosur të sakrifikojë lojtarit latin në vend të Romelu Lukakut. Ky i fundit konfirmoi ditën e djeshme qëndrimin tek Interi dhe po punon për të gjetur pasuesin e Lautaros.
Dëshira e madhe është Memhis Depay, një mik i ngushtë i belgut. Goleadorit holandez i ka përfunduar kontrata me Lyon dhe mediat iberike e lidhin me një kalim te Barcelona.
Zyrtarizim nuk ka dhe Interi po tenton të përfitojë, sigurisht duke përdoruar kartën Romelu Lukaku, me të cilin do të formonte një dyshe fantastike në ofensivën e skuadrës së Simone Inzaghit.
