Lautaro Martinez pranon se Leo Messi donte që ai të bashkohej me Barcelonën, por ai është i lumtur që ka qëndruar në Inter.
Sulmuesi argjentinas ka nënshkruar së fundmi një zgjatje të kontratës me Interin deri në vitin 2026.
Në vitin 2020, Barcelona ishte e prirur për të nënshkruar me sulmuesin, por ata kurrë nuk arritën një marrëveshje me Interin.
“Është e vërtetë, Messi më donte te Barcelona. Ne kemi folur shumë herë gjatë detyrës ndërkombëtare me Argjentinën. Ai po fliste me mua për situatën në klub, por unë kam qëndruar gjithmonë i qetë dhe gjithmonë kam folur me Interin për të gjetur një marrëveshje [për një kontratë të re] sepse jam i lumtur këtu. Jam i kënaqur që kam qëndruar. Familja ime dhe unë jemi të lumtur këtu.”- tha Lautaro për ‘SportMediaset’.
Megjithatë, ai pa ish-partnerin e tij sulmues Romelu Lukaku të largohej nga klubi në verë, duke u kthyer në Chelsea për 115 milionë euro.
“Ishte një zgjedhje personale. Ai ishte i lumtur këtu, por vendosi të largohej sepse këtë e ndjente. Jam bërë baba dhe jam përmirësuar brenda dhe jashtë fushës”, shtoi Lautaro në një intervistë tjetër me ‘Sky Sport Italia’.
Lautaro, 24 vjeç, iu bashkua Interit në një marrëveshje prej 25 milionë eurosh nga Racing Club në verën e vitit 2018.
Ai ka shënuar 57 gola në 151 paraqitje me gjigantët e Serie A, duke fituar titullin e tij të parë në Serie A sezonin e kaluar.
Ai u lidh gjithashtu me një largim nga Interi në verë, por zgjatja e kontratës së tij të fundit do të thotë se as ai dhe as klubi nuk po planifikojnë të ndahen në të ardhmen e afërt./K.T/Gijotina.com
Discussion about this post