Lazarat/ Makina e policisë përplaset me një mjet tjetër, tre të lënduar

Një aksident automobilistik ka ndodhur pasditen e kësaj të shtune në aksin Gjirokastër-Kakavijë.

Makina e policisë është përplasur me një mjet tjetër, e si pasojë janë lënduar rëndë dy persona, mes tyre dhe një efektiv policie.

Ngjarja ka ndodhur në afërsi te lagjes Kordhocë fshati Lazarat, Bashkia Gjirokastër, kur një autoveturë tip Audi eshte përplasur me një automjeti tip fuoristrade që i perket Policisë së Gjirokastrës me dy efektivë brenda.

Ne vendngjarje ka shkuar grupi hetimor për të përcaktuar shkaqet e aksidentit ndërkohë që gjendja e të lënduarve është jashtë rrezikut për jetën por që mendohet se kanë dëmtime serioze në gjymtyrë.

Gjirokastër/ Informacion paraprak

Rreth orës 15:40, në aksin rrugor “Gjirokastër-Kakavijë”, në vendin e quajtur Kordhocë, janë përfshirë në aksident rrugor automjeti i policisë me drejtues shtetasin D. P., (oficer policie) dhe automjeti me drejtues shtetasin S. B..  

Nga aksidenti janë dëmtuar 2 drejtuesit e automjeteve dhe 1 pasagjerë (punonjës policie), të cilët ndodhen në spital, për ndihmë mjekësore, jashtë rrezikut për jetën.  

Grupi hetimor ndodhet në vendngjarje dhe po punon për sqarimin e plotë të rrethanave të aksidentit.