Java e tetë e Seria A, dhuroi spektaklin që pritej në përballjen mes Lazios dhe Inter, ku djemtë e Sarrit arritën triumfin 3-1 në ‘Stadio Olimpiko.’
Inter nuk arriti të ruajë epërsinë që krijoi që në minutën e 12’ me golin e Perisic, ku lëshuoi terren në pjesën e dytë, duke ‘hapur’ portën për Immobile, Anderson dhe Milinkovic, që përmbysën gjithçka.
Fillimisht ishte Ciro Immobile 64’, i cili shënoi nga penalltia për golin e barazimit 1-1, ndërsa Felipe Anderson në minutën e 81’ shënoi sërisht duke i dërguar shifrat në 2-1.
Kur pritej që Interi të rikthej në lojë për golin e barazimit, në skenë del Sergej Milinkovic që shënon me kokë në minutat shtesë duke i dërguar shifrat përfundmitare të takimit në 3-1, me Inzagin që del ‘kokëulur’ nga Stadio Oplimpiko.
