Ditën e sotme do të zbresin në fushë një sërë skuadrash të rëndësishme të kampionateve Europiane.
Ndër to edhe skuadra ku aktivizohet lojtari i Kombëtares së Kosovës, Vedat Muriqi, Lazio do të tentojë të marrë fitoren për të qenë të pandalshëm në këtë garë.
Në orën 18:45 Lazio do të përballet në stadiumin “Turk Telekom” të Stambollit me Galatasaray të Fatih Terim. Kjo ndeshje është e vlefshme për javën e parë të grupit “E” të Europa League, ndeshje që do të drejtohet nga gjyqtari slloven Matej Jug.
Këto dy skuadra janë përballur edhe 4 herë të tjera nga ku “bardhekaltërit” kanë marrë 2 fitore dhe 1 barazim me vetëm 1 humbje, atë të 11 shtatorit 2001, në ndeshjet grupet e Champions League.
Kjo sfidë do të jetë edhe pak personale për lojtarin shqiptar që pritet të luajë që në minutën e parë dhe që kur ishte pjesë e Fenerbahces i ka pasur kundërshtar. /K.T/Gijotina.com
