Në orët të fundit të merkatos edhe Lazio synon të bëjë disa goditje të minutës së fundit, duke tentuar të përforcojë skuadrën në mënyrë që të përballojë më së miri, ndeshjet e Serisë A si dhe impenjimet në Champions League, kompeticion në të cilin kryeqytetasit rikthehen pas 3 vitesh mungesë.
Megjithatë, jo çdo operacion merkatoje që niset nga Lotito me shokë, mund të përfundojë me sukses.
Lazio tentoi deri në minutën e fundit për të nënshkruar me Mason Greenwood nga Manchester United, por një marrëveshje me lojtarin nuk u gjet dhe negociatat u ndërprenë.
Futbollisti po kërkon një ekip ku të rifillojë karrierën, pas shumë muajsh inaktivitet, për shkak të problemeve ligjore me të cilat është përballur.
Për të, u fol edhe për një interesim të një klubi shqiptar, me emri e klubit që mbeti mister.
Discussion about this post