Lazio kërkon të forcojë mbrojtjen, gati të sakrifikojë shqiptarin për yllin e PSG

Skuadra e Lazios është në kërkim të një mbrojtësi ku mësohet se shenjestrat kryesore janë Layvin Kurzawa nga PSG dhe Patrick van Aanholt i Galatasarayt, karta që mund të përdoret është Vedat Muriqi.

Sipas La Gazzetta dello Sport, Sarri ka kërkuar përforcime në krahun e majtë në janar, dhe objektivi kryesor është Kurzawa, i cili nuk pëlqehet më nga PSG dhe mund të jetë në dispozicion si huazim me opsion blerje në fund të sezonit.

Por paga e tij shkakton problem për Lazion, kështu që PSG-së do t’i duhet të mbulojë një pjesë të pagave prej 4 milionë euro për sezon.

Nga ana tjetër mësohet se kandidat është edhe 31-vjeçari van Aanholt, i cili aktualisht luan për Galatasaray.

Lazio potencialisht mund ta përdor Muriqin si pjesë të një shkëmbimi, sepse sulmuesi ka dështuar plotësisht të bindë Sarrin.