Lazio ka vendosur të rinovojë kontratën me gardianin e portës ‘Kuqezi, Thomas Strakoshën, i cili e mbyllte me klubin italian më 30 qershor 2022.
Sipas ‘Lalaziosiamonoi’ klubi ‘Bardhekaltër’ i ka ofruar shqiptarit 1.5 milionë euro në sezon, ndërsa ai nuk pranon më pak se 2 milionë euro.
Ndërsa një tjetër kusht që ai të vazhdojë qëndrimin te italianët është vendi i titullarit, pasi rikujtojmë se sezonin e fundit Strakosha më shumë ka qëndruar në stol. Teksa aktualisht spanjolli Pepe është titullar i portës së Lazios dhe i preferuari i trajnerit Sarri.
Ende nuk dihet nëse do të arrihet akordi mes palëve, por siç Lazio nuk dëshiron ta humbasë shqiptarin, ashtu dhe ky i fundit kërkon rikthimin në pozitat që kishte në klub./K.T/Gijotina.com
