Largimi i mesfushorit serb Sergej Milinkovic-Savic nga “shqiponjat” italiane të Lazios, për 40 milionë euro drejt sauditëve të Al-Hilal, duket se i ka dhënë kryeqytetasve buxhetin, për të bërë lëvizjet e duhura këtë merkato, teksa pas nënshkrimit me “bomberin” Taty Castellanos, tashmë kanë një tjetër emër në mendje.
Bëhet fjalë për anësori e bluve të Chelsea, Callum Hudson-Odoi, i cili pëlqehet shumë nga bordi i “celeste”-ve, si dhe nuk bën pjesë në planet e “londinezëve” e për këtë arsye mund të negociohet për një çmim të mirë.
Në krahun tjetër, për shërbimet e Hudson-Odoi interesohen dhe anglezët e Fulham, por sipas raportimeve të mediave, “gara” është fituar nga italianët dhe së shpejti pritet dhe finalizimi i marrëveshjes mes 2 klubeve.
Discussion about this post