Lazio sfidon Juventusin në kupë, në Angli luhet Arsenal-Chelsea

Mbrëmjen e kësaj të marte luhen Lazio-Juventus dhe Arsenal-Chelsea.

Fitorja në shtëpi në gjysmëfinalen e parë ndaj Lazios, i jep siguri Juventusit i cili beson se mund ta mbyllë sezonin me një trofe të fituar. Bardhezinjtë përballen në mbrëmje me kryeqytetasit në transfertë, ndeshje e cila pritet me shumë interes.

Dy skuadrat vijnë me grupin e plotë, ndërsa si Tudor ashtu dhe Allegri e shohin kupën si shpëtimin e sezonit. Gjasat që torinezët të kalojnë më tej janë më të mëdha, për faktin se fituan në shifrat 2-0 në shtëpi, rezultat që duket i vështirë për tu përmbysur nga lacialët.

Në 5 ndeshjet e fundit të luajtura, Lazio në kampionat e kupë është paraqitur më mirë nga kundërshtari, por ky nuk është një treguar i asaj që pritet të ndodhë. Favorit në letër është Lazio, ku pavarësisht diferencës në rezultat, çështja kualifikim mbetet e hapur.

Premier League

Një ndeshje po ashtu që premton spektakël dhe me shumë rivalitet është ajo mes Arsenalit dhe Chelseas, pra derbi i Londrës. Në Emirates stadium, blutë vijnë të copëzuar me shumë mungesa në organikë, ndërsa tek skuadra e Artetës i vetmi në fyshim është mbrojtësi Tomiyasu.

Ndeshja e fazës së parë në kampionat mes tyre u mbyll në barazim 2-2, ndërsa në mbrëmje Arenal është favorit i padiskutueshëm. Eliminimi nga Champions bën që objektivi i vetëm për teknikun Arteta është kampionati, ndërsa ajo që dihet është se nuk do ta ketë aspak të lehtë të marrë një rezultat pozitiv.