Pas kërkesës së Albin Kurtit për të shtyrë zgjedhjet në Kosovë, vjen reagimi i kreut të LDK-së, Lumir Abdixhiku, i cili pasi ka folur me krerët e partive dhe presidenten Vjosa Osmani, tha se nuk kishte pajtueshmëri për shtyrjen e zgjedhjeve.
“Në situatën e tanishme unë fillimisht kam bërë një propozim për liderët e partive për shkurtimin e fushatës zgjedhore dhe siç jeni informuar kam marrë përgjigje vetëm nga zoti Krasniqi dhe nga zoti Haradinaj, nuk kam marrë përgjigje nga zoti Kurti”, tha Abdixhiku.
Kreu i LDK-së shtoi se partia e tij do të ushtrojë vullnetarisht fushatë pesë ditore ose fare.
“LDK do të ushtroj vullnetarisht fushatë pesë ditore ose hiç, për të ruajtur shëndetin e njerëzve. Një skenar i tillë politik nuk bën të ekzekutohet pasi në pyetje është demokracia, s’ka të bëjë me vullnetin e zgjedhje, nuk kishte pajtueshmëri për shtyrjen e zgjedhjeve. Kjo është një ditë e mirë për demokracinë. Ne duhet të kujdesemi për shëndetin e qytetarëve tanë por mbi të gjithë qeveria”, shtoi ai.
