Presidenti Ilir Meta do të dorëzojë sot detyrën, për t’i lënë radhën pasuesit të tij Bajram Begaj. Ai e ka nisur ditën me një postim në rrejtet sociale, ku shkruan se ishte nder t’i shërbente vendit, ndërsa ka uruar më të mirën për kombin.
“Ishte një nder dhe privilegj i jashtëzakonshëm të shërbeja këto pesë vite si President i Republikës të Shqipërisë. Uroj për atdheun dhe kombin tonë më të mirën! Paqe dhe mbarësi për çdo familje shqiptare! Zoti e bekoftë Shqipërinë!”, shkruan Meta.
Meta ka qenë në krye të shtetit për 5 -vjet, periudhë e cila ka qenë e mbushur me përplasja të forta me qeverinë dhe jo vetëm. Meta ka pasur përplasje edhe me ambasadoren e amerikane Yuri Kim. Akuza të forta gjithashtu janë hedhur ndaj tij në këto 25 vite dhe nga ana tjetër ai ka qenë një kritik i fortë i qeverisë Rama. Bajram Begaj do të marrë detyrën si kreu i ri i shtetit. Begaj, i cili është votuar vetëm nga maxhoranca do të betohet në Kuvend, në një seancë të posaçme ditën e sotme.
Discussion about this post