Rafael Leao, së bashku me Kalabrian, Theon dhe Tomorin, është një nga liderët e Milanit në të cilin Stefano Pioli jep besimin maksimal për kampionatin e ardhshëm. I freskët nga rinovimi i tij me kuqezinjtë, me kontratën e tij të zgjatur deri në vitin 2028, portugezi është ambicioz dhe ende dëshiron të fitojë shumë me fanellën e Milanit, siç bëri me dije vetë Rafa për ESPN.
“Unë mendoj se është klubi i duhur për të vazhduar karrierën time dhe për të arritur obiektiva të tjera si fitimi i Ligës së Kampionëve apo Topi i Artë”, tha Leao, i vetëdijshëm se sezonin e ardhshëm do t’i duhet të japë pak më shumë për të tërhequr kuqezinjtë drejt objektivave të vendosur.
Për ta bërë këtë do të duhet forca, përqendrimi dhe ai pak fat që mungoi sezonin e kaluar. Dhe Leao, duke folur për rinovimin, është i vetëdijshëm se duhet të japë më të mirën: “Më ndihmuan të arrij qëllimin tim, që është të fitoj Scudetton, më ndihmuan të rritem si lojtar. Tani ndihem më i pjekur, lider në skuadër. Klubi më jep mundësinë të fitoj gjithçka.”
Fitoret motivojnë shumë dhe portugezi, pasi ka shijuar suksesin në vitin 2022, shpreson të përsërisë veten. Për të arritur qëllimin e tij, klubi i AC Milan nuk kurseu asgjë, me një fushatë të mirë transferimesh: “Unë mendoj se do të kemi më shumë opsione këtë vit, veçanërisht në sulm dhe në mesfushë. Sezonin e kaluar nuk kishim aq shumë. Në gjysmëfinale, në sfidën me Interin vuajtëm nga fakti se ata ndryshuan shumë dhe kishin lojtarë që mundën të hynin dhe të bënin diferencën. Këtë sezon drejtimi ka ndryshuar, klubi ka bërë disa nënshkrime të shkëlqyera.”
“Pulisic dhe Loftus-Cheek janë blerje të shkëlqyera, këta lojtarë e rrisin nivelin e ekipit dhe jam shumë i lumtur që i kam me ne”, tha Leao. Dhe duke folur për nënshkrimet e reja, ai u ndal të flaës për Romeron dhe vetë Pulisic: “Kur Luka mbërriti ai dha një intervistë duke thënë se i pëlqen shumë Rafael Leao. Ai është një djalë i ri, një talent i ri dhe në dhomën e zhveshjes po përpiqem të ndihmoj. Ai e bëri këtë, duke u integruar në skuadër. Mundohem, ta mbaj pranë meje dhe t’i them të mos ketë frikë, të marrë topin dhe të tregojë pse është këtu.
Pulisic? E pashë atë si te Borussia Dortmund ashtu dhe te Chelsea: Më pëlqen sepse ai mund të driblojë para një ose dy lojtarësh, ai gjuan me të majtën dhe me të djathtën në të njëjtën mënyrë, ai është shumë i shpejtë. Mendoj se Luka dhe Christian janë lojtarë të ngjashëm”, deklaroi në fund Leao.
Discussion about this post