Lecce kthehet te fitorja, Medon Berisha jep asistin e javës (Video)

Lecce ka mundur 2-1 Monza-n në shtëpi dhe është kthyer te fitorja në kampionat.

Ndeshja e luajtur në “Via del Mare”, e vlefshme për javën e 16-të të Serisë A, ka pasur protagonist lojtarin e Shqipërisë Medon Berisha, i cili ka dhënë një asist magjik për golin e Tete Morente në minutën e 3-të, që ka kaluar në avantazh venadasit.

LECCE-MONZA – ASISTI I BERISHES – VIDEO

Lecce ka pasur mundësinë të dyfishojë avantazhin në minutën e 13-të, por Krstovic ka gabuar nga pika e bardhë.

Lajmet e këqija për vendasit kanë vazhduar në minutën e 37-të pasi miqtë kanë arritur të barazojnë me një autogol të pabesueshëm të Dorgu.

LECCE-MONZA – AUTOGOLI I DORGU – VIDEO

Megjithatë, në fundin e pjesë së parë ka ardhur edhe goli i dytë dhe i fitores për verdhekuqtë i shënuar nga Krstovic.

Ndeshja e Berishës është mbyllur në minutën e 55-të, kur është zëvendësuar nga ylli tjetër i Kombëtares, Ylber Ramadani.