Në prag të Çmimit të Madh të Spanjës në Formula 1, pasditen e djeshme u mbajt edhe konferenca tradicionale për shtyp.
Para mediave si u paraqitën normalisht edhe pilotët e Ferrarit, të cilët kërkojnë kthesën në një sezon që nuk ka nisur aspak mirë për ta. Megjithatë, Charles Leclerc është treguar mjaft realist, duke pranuar se rivalët e Red Bullit janë të pakonkurrueshëm.
“Red Bull zhvillon një kampionat më vete dhe nëse nuk ndodh asgjë, duhet të jemi realistë që të mendojmë vetëm për podiumin.
Më duhet të jap maksimumin si gjithmonë. Shpresoj të kem një makinë më të lehtë për t’u drejtuar për ta shfrytëzuar sa më shumë.
Tani për tani është shumë kërkuese, kështu që të jesh në limitet nuk është gjithmonë e mundur”, deklaroi fillimisht Leclerc.
Më tej piloti monegask u ndal te zhvillimet e makinës Ferrari: “Nuk do të ndryshojë gjithçka për ne nga një garë në tjetrën. Ky është vetëm hapi i parë i disa hapave”, u shpreh Leclerc.
Discussion about this post