Një debutim për tu harruar për Weston McKennie me skuadrën e Leeds United. Të bardhët, u mposhtën me rezultatin një me zero në shtëpinë e Nottingham Forest. Mesfushori amerikan u aktivizua në minutën e 57 por tifozët vunë re diçka që nuk i la përshtypje të mirë. Sipas syrit të mprehtë të disa prej mbështetësve të Leeds, futbollisti ishte… mbipeshë.
Në Twitter, të shumtë kanë qënë tifozët të cilët e kanë kritikuar ish lojtarin e Juventusit duke shtuar edhe doza humori.
“Mjekra e maskon në perfeksion qafën e tij të trashë” ishte njëri nga komentet. Kishte dhe nga ata që gishtin e akuzës e drejtuan te pasioni i Weston për ushqimet “e pa rekomanduara për një sportist”.
“Mos ka ngrënë ca si shumë pica pas botërorit?” deklaroi njëri nga përdoruesit e rrjetit social
Me këtë humbje, Leeds, gjëndet në vëndin e 17 në rënditje, me tifozët që i trëmben jashtë mase, rënies nga kategoria.
Nga sot e në vazhdim, Weston McKennie, ka shumë punë për të bërë, për të arritur formën optimale.
Discussion about this post