Dhënia e tenderëve pa garë është kthyer tashmë në një metodë që përdoret shpesh nga bashkitë e vendit, duket se është shtrirë rregullisht edhe në Bashkitë e vogla. Të njëjtën gjë ka bërë edhe Bashkia Bulqizë së fundmi.
Bëhet fjalë për tenderin e hapur në datën 29 tetor, për shërbim pastrimin e borës. Tenderi me numër reference, REF-09822-10-28-2021, ka fondin limit prej 4.163.000 lekë të reja, ose rreth 42 milionë lekë të vjetra.
Në këtë procedurë ka marrë pjesë në garë vetëm një kompani, “SHEHU SH.P.K”, e cila është shpallur automatikisht fituese. Pra, nuk është respektuar parimi i konkurrencës duke zhvilluar garën me vetëm një operator ekonomik. Kjo procedurë ngre dyshime që ky tender mund të jetë me risk, pasi fituesi mund të ketë qenë i parashikuar që kur është bërë tenderi. Për këtë nuk ka munguar edhe flamuri i kuq (red fleg) nga “Open Data”, me mbishkrimin “mungesë të konkurrencës”.
Duke qenë se Lefter Alla nuk është as i pari dhe as i fundit që zhvillon procedura tenderimi dyshuese, mbetet të shpresojmë që kësaj radhe lekët t’i teprojnë për pastrimin e rrugëve nga bora, pasi jo pak herë është ankuar që nuk i dalin lekët dhe investimet në rrugë i dalin “treçerekëshe”.
Gijotina.com
Discussion about this post