Lefter Koka, ish-ministër i Mjedisit dhe ish-deputet, ishte i pranishëm sot në sallën e GJKKO, ku u zhvillua seanca e rradhës lidhur me inceneratorët. SPAK ka kërkuar 10 vite burg për ish-ministrin që me aplikim të gjykimit të shkurtuar, nëse shpallet fajtor, do të dënohet 6.8 vite.
Lefter Koka u arrestua më 14 dhjetor me urdhër të SPAK. Ndaj tij janë 2 masa ‘arrest me burg’, për inceneratorin e Elbasanit dhe atë te Fierit.
SPAK pretendon se Koka ka përfituar përmes ryshfetit 5 milionë euro për ndërtimin e 2 inceneratorëve.
Por Koka në mbrojtjen e tij tha se SPAK nuk e ka marrë asnjëherë në pyetje, por është bazuar vetëm në kallëzimin e partisë së LSI, para 2 vitesh.
Koka është shprehur se procesi për akuzat e tij është i manipuluar dhe se prokuroria ka devijuar hetimet, por thekson se herët a vonë e vërteta do të dalë.
Çfarë tha Koka në sallën e gjyqit
1-Një e vërtetë e thënë përgjysmë është e pavërtetë. Prokuroria u bazua tek kallëzimi LSI dhe për 2 vite nuk më mori në pyetje asnjëherë.
2-Unë si ministër, Sekretari përgjithshëm dhe Komisioni kemi zbatuar me përpikëri ligjin. Bëmë punën më të mirë dhe shërbyem me devotshmëri.
3-Eshtë kohë e vështirë që kërkon burra e burrni, unë si kam borxh askujt ta paguaj me lirinë time!
4-Akuza e prokurorisë është idiote! Kam hyrë në politikë si biznesmen dhe s`më bëri politika biznesmen.
5-Po kthehemi 45 vite para në proceset e stisura të sistemit komunist. Është një alarm jo vetëm për mua por për të gjithë shoqërinë.
6-Ky proces është i manipuluar fund e krye, besoj se e vërteta do të triumfoj.
7-Nuk ekziston asnjë kontakt ose njohje me pronarët e inceneratorëve, ato nuk i solla unë por erdhën si propozim nga bota e biznesit.
8-Prokurori devijoi hetimet dhe fraksionojë dosjen për të mos zbuluar të vërtetën. Drejtësia më herët sesa vonë do të dalë.
9-Intriga e këtij procesi dashakeqës do të dalë dhe uroj të shërbejë për konsolidimin e mëtejshëm të reformës në drejtësi.
10- Prokurori fshehu 40 fashikuj hetimor ku gjenden provat për pafajësinë time. Më janë vënë në dispozicion nga gjykata 1 javë më parë.
11-Akuza pësoi mutacione për ti qëndruar besnike kallëzimit të LSI. Kurrë nuk i kam futur dorën në xhep
Discussion about this post