GJKKO vendos t’i japë një mundësi ish-ministrit të Mjedisit Lefter Koka të marrë trajtim mjekësor edhe jashtë mjediseve të paraburgimit për shkak të gjendjes së tij shëndetësore, sa herë të jetë e nevojshme.
Lajmi konfirmohet nga gazetarja Klodiana Lala, e cila raportoi se Koka kërkonte masë më të butë sigurie ndërsa ndaj tij është në fuqi edhe një masë tjetër arrest me burg për inceneratorin e Fierit.
“Do të kurohet si çdo qytetar i Shqipërisë. Do t’i garantohen të gjitha të drejtat, përfshirë edhe përkujdesin shëndetësor”, u shprehën togat e zeza të GJKKO-së.
Gjyqtari Erion Bani, vendosi mos pranimin e kërkesës së mbrojtjes së Kokës, në lidhje me inceneratorin e Elbasanit, pavarësisht se avokatët paraqitën ekspertizën e mjekëve që theksonin gjendjen delikate shëndetësore të ish-ministrit të Mjedisit.
Gjithashtu gjykata i jep të drejtë Lefter Kokës që jo vetëm të kryejë vizita në ambientet e paraburgimit, por edhe në Qendrën Spitalore Universitare si dhe në qendra të tjera të posaçme. Kjo për shkak të aktit të ekspertimit mjekësor që kishte përcaktuar se gjendja shëndetësore e Kokës është e rënduar.
Prokuroria e Posaçme Antikorrupsion ka shtuar akuza të reja për ish-ministrin e Mjedisit Lefter Koka dhe ish-vartësin e tij, Alqi Bllako, që tashmë ndodhen të dy pas hekurave për aferën e inceneratorëve.
Discussion about this post