Kuvendit të thirrur nga ish-kryeministri Sali Berisha i është bashkuar edhe ish-deputeti Lefter Maliqi që hyri në Kuvend pasi PD la mandatet në shkurt të vitit 2019.
Jashtë ambienteve të “Air Albania”, Maliqi tha se sot është një ditë shprese, që do t’i hapë rrugën ndër të tjera, edhe largimit të kryeministrit Edi Rama.
“Përshëndetje, sot është një ditë historike, dhjetori i dytë, sot është një pjesëmarrje masive, anembanë vendit dhe kombit. Unë jam sot këtu në mirënjohje të veprave të zotit Berisha, siç duket nuk ka forcë që e ndal këtë uragan, zoti e deshi që Berisha të merrte këtë nismë për të bashkuar opozitën. Sot është një festë që fillon sot dhe përfundon me rrëzimin e qeverisë së korruptuar. Pa u larguar Lulzim Basha nuk ikën as Edi Rama, sot është një ditë shprese. PD, ata pak që e mbështesin Lulin, shumë shpejt do të rrëzohen në mënyrë paqësore, ju do e shihni edhe vetë pjesëmarrjen e jashtëzakonshme që do të ketë Kuvendi i sotëm”, u shpreh Maliqi.
Maliqi komentoi edhe shpalljen non-grata të Berishës, ku tha se ish-kryeministri është një prej politikanëve me proamerikanë në Shqipëri, dhe ka pasur bashkëpunim të ngushtë ne disa presidentë amerikanë.
Discussion about this post