Ish-Prokurori i Krimeve të Rënda, Eugen Beçi, u shpreh mbrëmjen e sotme se kontrolli i territorit është një sfidë e humbur për shtetin shqiptar.
Beçi tha se kemi një implikim të policisë në rritjen e kultivimit të kanabisit në vend dhe këtë e tregojnë edhe arrestimet e fundit.
Në studion e “Open”, Beçi tha se është herët miratimi i një ligji që legalizon kanabisin për qëllime mjekësore dhe industrial.
“Ky kanabis që do të kultibvohet në maksimumin 200 ha do të shkojë jashtë si çokollatë ose si vaj dhe nuk do e gjeni në farmacitë shqiptare. Nëse do të ishte kaq i kontrolluar territori apo subjektet e kontrolluara, atëherë si shpjegohet që kemi një rritje të sipërfaqes së kultivuar me kanabis apo të mallrave kontrabandë?”, tha Beçi.
Sipas tij, do të kemi një joshje të organizatave apo grupeve kriminale në këtë fushë. “Po i hapet rruga përdorimit të kanabisit rekreativ”, tha Beçi.
Në vijim Beçi tha se ajo që ka ndodhur në Maqedoninë e Veriut është një alarm, pasi ato sasitë stok me kanabis u vunë nën kontroll nga grupet kriminale, që kanë tentuar ta trafikojnë.
“Kemi kapur maune plot me kanabis që vinin nga Maqedonia kalonin përmes Shqipërisë dhe synonin Europën perëndimore nën atë ‘mbrojtjen’ e kanabisit për qëllime mjekësore”, tha Beçi.
Discussion about this post