Deputeti i Partisë Demokratike, Tritan Shehu ka reaguar në lidhje me projektligjin e miratuar nga qeveria shqiptare, që i hapi rrugë legalizimit të kanabisit për arsye medicinale.
Në një reagim në ‘Facebook’ Shehu thekson se ky vendim është dhuratë mizore nga Rama për të rinjtë shqiptarë.
Mes të tjerash ai thekson se me këtë ligj do të shumëfishohet përdorimi i drogave në vendin tonë, ndërsa pasojat sipas tij do të jenë të mëdha.
Reagimi:
Legalizimi i kanabisit, ‘dhuratë’ mizore e Ramës:
1-Veçanërisht një ‘dhuratë’ mizore për të rinjtë:
Në Shqipëri ky ligj do të shumëfishojë përdorimin e drogave në tërësi.
Pasoja është vartësia nga ato, probleme të shëndetit mendor, morale!
Kanabisi është një shperthyes i skizofrenisë.
Ai është një droge, prekursor për përdorimin e drogave të forta.
Reth 85% e të shtruarve në repartin e toksikologjisë në QSUT me mbidozë droge…e kanë filluar këtë kalvar me kanabisin.
2-Është dorezim i vendit tonë tek grupet kriminale të drogës, trafiqet..
Ata kanë përcaktuar dhe ‘hartën’ e zonave, kufijtë e secilit!
Kjo ‘hartë’ është miratuar tashmë.
Aq sa prej muajsh po transportojnë e instalojnë në parcelat e tyre impiantet e ujitjes, infrastrukturën.
Mjafton të observohen këto lëvizje psh në zona të Qarkut të Gjirokastrës….
3-Për pasojë do te jetë dhe një goditje tjetër e imazhit ndërkombetar të Shqipërisë së trafiqeve!
4-Është gjithashtu një shkatërrues i zhvillimit ekonomik.
Asnjë vend nuk krijon prosperitet për qytetarët nëpërmejt aktiviteteve, që lidhen me drogën.
Kanabisi ‘mjekesor’ është vetëm etiketa me ‘sheqer’ për të fshehur të vërtetën.
Por dhe ai vetë nuk do te sillte asnjë përmiresim ekonomik për vendin tonë.
Iluzione e mashtrime qeveritare këto!
Prandaj të gjithë duhet të reagojnë me forcë: mjekët, mësuesit, punonjesit sociale, të rinjtë, shoqeria civile, politika e përgjegjëshme…
Ndoshta këtë here shqiptarët do të reagojne ashtu si duhet ndaj këtij ‘atentati’ të rrezikshëm!
Discussion about this post